Retrenchment o redundancy: Kailan maaaring mangyari?
Sa ngayon ay maaaring pamilyar na kayo sa salitang “retrenchment.” Maaaring pamilyar na rin kayo sa salitang “redundancy.” Sa dami ng mga manggagawang natanggal sa kanilang trabaho gamit ang ganitong dahilan, hindi maaaring hindi kayo maging pamilyar sa kanila. Kaya napapanahon ang paglabas ng Korte Suprema ng desisyon sa kasong “Lambert Pawnbrokers and Jewelry Corporation vs. Helen Binamira” (G.R. No. 170464) noong nakaraang linggo. Sa kasong ito ay muling nilinaw kung kailan maaaring gamitin ng isang kompanya ang retrenchment o redundancy upang tanggalin ang isang manggagawa sa kanyang trabaho.