LARAWAN | #May1Fight: Pagbitiw ni Aquino, muling hiniling ng obrero’t mamamayan
Humigit-kumulang 20,000 katao ang nagtipon sa Liwasang Bonifacio, Maynila sa maiinit na Araw ng Paggawa para muling hilingin ang pagbibitiw ni Pangulong Aquino. Ang kanilang batayan: pagpapahirap umano sa mga manggagawa at pagpapabaya umano sa mga mamamayan na dumulo sa iba’t ibang pambansang trahedya tulad ng muntik nang pagbitay sa overseas Filipino worker na si […]
Humigit-kumulang 20,000 katao ang nagtipon sa Liwasang Bonifacio, Maynila sa maiinit na Araw ng Paggawa para muling hilingin ang pagbibitiw ni Pangulong Aquino. Ang kanilang batayan: pagpapahirap umano sa mga manggagawa at pagpapabaya umano sa mga mamamayan na dumulo sa iba’t ibang pambansang trahedya tulad ng muntik nang pagbitay sa overseas Filipino worker na si Mary Jane Veloso, pagdanak-ng-dugo sa Mamasapano, at iba pa.
Hindi nakapigil sa mga tao na dumagsa sa protestang ito na pinangunahan ng Kilusang Mayo Uno (KMU) at AllWorkers’ Unity kahit na nabalitang umabot sa 40 degrees ang init noong araw na iyon. Matapos ang programa sa Liwasang Bonifacio, nagmartsa ang mga demonstrador patungong Mendiola, sa paanan ng Malakanyang, para iparating ang panawagang pagbibitiw ni Aquino at igiit ang P16,000 pambansang minimum na sahod sa mga manggagawa sa pribado at pampublikong sektor.
Narito ang ilang larawan ng dambuhalang kilos-protesta: