Archive - Aug 2008 - photo_essay

Kumulimlim ang kalangitan habang nagmamartsa ang mga miyembro ng Desaparecidos sa Quiapo noong Agosto 30, Pandaigidigang Araw ng mga Nawawala. Ngunit bitbit nila ang tanglaw bilang gabay sa paghahanap sa mga minamahal na nawawalang kaanak. (KR Guda)

Nawawala ang kanyang ama (si Leo Velasco) habang nakapiit naman ang ina (Elizabeth Principe), pero buo ang loob ni Aya Santos na ipagpatuloy ang ipinaglalaban ng kanyang mga magulang. (KR Guda)

Nakiisa ang mga grupong pangkarapatang pantao sa paggunita ng Desaparecidos sa araw ng mga sapilitang nawala. Kabilang sa nagmartsa sina (kanan) Girlie Padilla, pangkalahatang kalihim ng Ecumenical Movement for Justice and Peace (EMJP), at Marie Hilao-Enriquez, pangkalahatang kalihim ng Karapatan. (KR Guda)

Isang beses sa isang taon, sama-sama silang nagmamartsa, bitbit ang mga larawan ng kanilang minamahal na mga kaanak, isinisigaw ang hiling na makitang muli ang mga nawawala. (KR Guda)

Galit na nagtalumpati si Elizabeth Calubad hinggil sa pagdukot diumano ng militar sa asawa niyang si Rogelio, isang konsulant ng NDF, at sa anak niyang si Gabriel. (KR Guda)

Tila walang pakialam ang mga pulis sa Recto Avenue, Maynila habang ipinapakita ni Edita Burgos ang larawan ng nawawalang anak niyang si Jonas. (KR Guda)

Di nawawalan ng pag-asa ang batang ito sa paghahanap ng kanyang kamag-anak na taon na ang bilang na nawawala. (KR Guda)

Noong Agosto 22, lumahok sa Truth Festival sa Roxas Blvd. sa Maynila ang iba’t ibang mga puwersang sawa na diumano sa mga kasingungalingan ng gobyernong Arroyo. Simbolikong “sinagip” ng mga mamamayan ang balsang ito sa Manila Bay. (King Catoy)

Nagmartsa mula sa Quirino cor. Taft Avenue ang mga miyembro ng Bayan (Bagong Alyansang Makabayan), bitbit ang panawagang ibasura ang Charter change. (King Catoy)

Bahagi ng pagbunyag sa katotohanan ang pagpinta ng mga grupong Artist's Arrest, Tutok Karapatan, Ugat Lahi at Pilipinas Street Plan ng samu’t saring dibuho sa kalsada. (King Catoy)