Ramdam ang krisis maging sa NBA

APEKTADO rin pala ang National Basketball Association (NBA) sa lumalalang krisis pang-ekonomiya sa US. Sa nagdaang mga linggo gumawa ng ilang habang ang liga maging ang ilang mga koponan rito bilang tugon diumano sa krisis.

Nagpahayag si Commissioner David Stern na magbabawas sa manggagawa ang liga ng hanggang 9% o aabutin ng 80 trabaho. Nauna na rito ang Charlotte Bobcats na naiulat na magtatanggal ng 35 ng kanilang 35 non-basketball operations staff.

"We made a decision some months ago that the economy was going to be a bit wobbly, so we began a belt-tightening that will result in job cutbacks among league staff," ang pahayag ni Stern bago ang isang pre-season na laro sa London.

Hindi siya nagpahayag ng ilan pang espisipiko, ngunit aniya'y magpapatuloy pa rin ang liga sa pagpapalago sa Europa, Middle East, sa Asya at Timog Amerika dahil aniya, may "malaking oportunidad" pa rin upang palaguin ang negosyo.

Ngunit hindi makakalusot ang katotohanan ukol sa pagbebenta ng tiket para sa mga laro. Nakikita na nila ang senaryo sa pagbaba rin ng pagre-renew ng mga season-ticket. "New sales are also being hit," ang dagdag ni Stern.

"We don't know the final tally yet because … our teams are up in game sales, individual tickets, and then we have to see what we do in group sales," ang pahayag ng komisyoner. "So, we are working harder and expending more energy. We think we'll be up in revenue. But I just can't say for sure whether we'll be up or down in attendance because it's just so touch-and-go because sports tickets are very much disposable income."

Isa pang senaryo na iniisip ng komisyoner ay ang pag-tatasa ng presyo ng mga tiket upang maka-enganyo pa rin ng manonood kahit nasa gitna ng krisis.

Sa isang news conference, nagpahayag si Stern. "I think many of our teams will be trying to price tickets even more affordably with respect to group sales and the like, so we can make some effort in that regard."

"Our teams are trying to be creative with their fans," ang pahayag ni Deputy Commissioner Adam Silver said. "We want to lighten the load a little bit for this season." Ito, sa likod ng ideya ng koponang New Jersey Nets na magbigay ng buy-now-pay-later plan bilang pang-engganyo sa maaaring bumili ng season-tickets.

Ilang koponan, tulad ng Atlanta Hawks, ay hindi makuhanan ng publikong pahayag ukol sa benta ng kanilang season-tickets sa nalalapit na season, na magbubukas na sa Oktubre 28. Ngunit maayos naman ang ilang koponan. Para sa Portland Trail Blazers, malaki ang "kumpiyansa" nilang makakakuha sila ng sell-out na mga home game bilang suporta sa koponan. "People here are hungry to support this team," ang sabi ni Larry Miller, presidente ng Portland Trail Blazers. "A few years before we were really struggling here. … Starting last year that started to turn around, and this year is just a continuation of that. Even when economic times are hard, people are still looking for a distraction."

Ilang koponan rin ang magandang tutukan. Nalagpasan ng New Orleans Hornets ang benta nilan 10,000 season-tickets, habang nalalapit na ring maabot ng Orlando Magic ang naturang pigura, na maglalaro sa bagong arena.

Anu't anu pa man, interesanteng makita sa kalaunan ang kalalabasan ng bawat laro sa nangungunang komersiyal na liga ng basketbol sa gitna ng patinding krisis-pangiekonomiya.

Darius Galang